Llenni: yn ôl-weithredol

Siaradodd Tim Platt, 59 oed, a gafodd ddiagnosis o ganser y colon a lymffoma ym mis Hydref 2016, yn onest am ei ganser yn lansiad menter a ariannwyd gan Gymorth Canser Macmillan fis Medi diwethaf o’r enw’r rhaglen ‘Gwella’r Daith Ganser mewn Powys’. Esboniodd sut roedd ei gariad at gelf yn helpu ei les a sut oedd ei ddyhead i gynnal arddangosfa o'i waith.

Ar ôl clywed stori Tim, cysylltodd y Cynghorydd Myfanwy Alexander, Aelod Cabinet dros Wasanaethau Oedolion yng Nghyngor Sir Powys â rheolwr y ganolfan a gwnaed cyflwyniadau wedi hynny. Bydd yr arddangosfa yn arddangos crochenwaith, cerflunwaith, lluniadau a phaentiadau Tim gan gynnwys rhai enghreifftiau a chreadigaethau digidol sy'n defnyddio deunyddiau wedi'u hailgylchu. Mae peth o waith Tim yn ymwneud yn uniongyrchol â’i salwch ac yn canolbwyntio ar rai o’r tasgau dyddiol y mae’n rhaid iddo bellach eu hymgorffori yn ei fywyd. Bydd cyfran fawr o'i waith ar werth gyda phrisiau i weddu i bob poced a'r arian a godir yn mynd i Macmillan a Chanolfan Lingen Davies.

Gyda chymorth rhaglen Macmillan ICJ, rwyf wedi gallu cyflawni uchelgais gydol oes i arddangos fy nghelf. Rwyf wrth fy modd bod Canolfan Gelf Canolbarth Cymru wedi cytuno i gynnal fy ngwaith a gobeithio y bydd pobl yn dod draw i weld sut y gall celf adrodd stori. Rwy'n anelu at werthu rhai o'm darnau a chodi arian i gefnogi Macmillan a hefyd Canolfan Lingen Davies yn Ysbyty Brenhinol Amwythig. Y ganolfan yw lle rydw i'n cael fy chemotherapi bob pythefnos ac yn ddiweddar, rydw i wedi cael fy 100fed sesiwn. Mae cael y cyfle hwn i rannu fy nghelf yn fendigedig.